ဧရာဝတီတိုင်းဒေသကြီး ပန်းတနော်မြို့၌ ၂၀၂၆ ခုနှစ် ဖေဖော်ဝါရီလ (၁၂) ရက်နေ့တွင် ကျရောက်မည့် (၇၉) နှစ်မြောက် ပြည်ထောင်စုနေ့ အထိမ်းအမှတ်အဖြစ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာန(ရုံးချုပ်)မှ ထုတ်ဝေသော သတင်းစကားလက်ကမ်းစာစောင်များကို ယနေ့နံနက် (၁၀) နာရီအချိန်တွင် အမှတ်(၂)အခြေခံပညာအထက်တန်းကျောင်း၌ ဖြန့်ဝေခဲ့ကြောင်း သိရသည်။
(၇၉)နှစ်မြောက် ပြည်ထောင်စုနေ့ သတင်းစကား လက်ကမ်းစာစောင်တွင် (၇၉)နှစ်မြောက် ပြည်ထောင်စုနေ့ အမျိုးသားဦးတည်ချက် ( ၅ ) ရပ် ၊ ပင်လုံစာချုပ် လက်မှတ်ရေးထိုးခဲ့ကြသော တိုင်းရင်းသားကိုယ်စားလှယ် (၂၃) ဦး၏ အမည်များ၊ “နှင်းရည်ဆွတ်ဖျန်းပွင့်ပန်းစုံညီ” ကဗျာ၊ (၁၅-၁၀-၂၀၂၅) ရက်နေ့တွင် ပြည်ထောင်စုသမ္မတမြန်မာနိုင်ငံတော် ယာယီသမ္မတ၊ နိုင်ငံတော် လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် မှ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် NCA (၁၀)နှစ်ပြည့် နှစ်ပတ်လည်နေ့အခမ်းအနားတွင် ပြောကြားသည့် မိန့်ခွန်းမှ ကောက်နုတ်ချက်များ၊ ဗိုလ်ချုပ်အောင်ဆန်း ၂၀-၁-၁၉၄၆ ရက်နေ့တွင် ကျင်းပသည့် ဖဆပလအဖွဲ့ကြီး၏ ပထမအကြိမ် ကွန်ဂရက်တွင် ပြောကြားသည့် မိန့်ခွန်းများမှ ကောက်နုတ်ချက်၊ ၂၀၂၆ ခုနှစ်၊(၇၉)နှစ်မြောက် ပြည်ထောင်စုနေ့ ဆောင်ပုဒ်ပါ လက်ကမ်းစာစောင်များကို ပန်းတနော်မြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဒုတိယဦးစီးမှူး ဒေါ်ဌေးဌေးစိုးနှင့် ဝန်ထမ်းများက စောင်ရေ (၅၀) ဖြန့်ဝေပေးခဲ့ကြောင်း သိရသည်။
