ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့၊ မြို့ကွက်သစ်ရပ်ကွက်ရှိ ပြန်ကြား ရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre) ရွှေနော်သီရိခန်းမ၌(၂၇) ကြိမ်မြောက် မြို့နယ်အဆင့် ဆို၊ က၊ ရေး၊ တီး ပြိုင်ပွဲ အခမ်းအနားကို ဩဂုတ်လ ၁၀ ရက်နေ့ နံနက် ၁၁ နာရီအချိန်က ကျင်းပပြုလုပ်ခဲ့သည်။
အခမ်းအနားတွင် မြို့နယ်စီမံခန့်ခွဲရေး နှင့် အုပ်ချုပ်ရေးကော်မတီ ယာယီဥက္ကဋ္ဌ ဦးနေလင်းနိုင် က အဖွင့်အမှာစကား ပြောကြားခဲ့သည်။ထို့နောက် ပြိုင်ပွဲအား ဆက်လက်ကျင်းပရာ ဝါသနာရှင် (ပထမတန်း) အဆင့် အဆိုပြိုင်ပွဲ (မဟာဂီတ) တွင် ပြိုင်ပွဲဝင် ဒေါ်သန်းသန်းအေး၊ ဝါသနာရှင် (ပထမတန်း) အဆင့်ပတ္တလားပြိုင်ပွဲဝင် ဦးစက်ကလေး၊ အခြေခံပညာအဆင့် အသက် (၁၅ – ၂၀) အကပြိုင်ပွဲတွင် ပြိုင်ပွဲဝင် မောင်သူရထွန်း (အထက- ချောင်းကလေး)၊ ဝါသနာရှင် (ဒုတိယတန်း) အဆင့် ရုပ်သေးပြိုင်ပွဲတွင် ပြိုင်ပွဲဝင် ဒေါ်ခင်ဆုဆုဇော် နှင့် အခြေခံပညာအဆင့် အသက် (၁၀ – ၁၅) ကဗျာလွတ်ပြိုင်ပွဲတွင် အထက (၂) ကျောင်းသူများက အသီးသီး ပါဝင်ယှဉ်ပြိုင်ခဲ့ကြသည်။
ယင်းနောက် ပြိုင်ပွဲဝင်များအား ဂုဏ်ပြုဆုများ အသီးသီး ချီးမြှင့်ခဲ့ကြပြီး (၂၇) ကြိမ်မြောက် မြို့နယ်အဆင့် ဆို၊ က၊ ရေး၊ တီး ပြိုင်ပွဲ အခမ်းအနားကို မြို့နယ်စီမံခန့်ခွဲရေး နှင့် အုပ်ချုပ်ရေးကော်မတီယာယီဥက္ကဋ္ဌဦးနေလင်းနိုင်နှင့်အဖွဲ့ဝင်များ၊ပြည်သူ့လွှတ်တော်ကိုယ်စားလှယ်ဦးကျော်မင်းသန်း၊မြို့နယ်အဆင့်ဌာနဆိုင်ရာတာဝန်ရှိသူများနှင့်ကျောင်းသားကျောင်းသူများ တက်ရောက်ခဲ့ကြကြောင်းသတင်းရရှိသည်။
